Dadweynaha Gabilay oo Taageeradooda xukuumada sanad jirka ah ku muujiyay soo dhawaynta Madaxweynaha

Gabilay (Somaliland.Org)-Madaxweynaha Somaliland Md. Axmed Maxamed Maxamuud (Siilaanyo) ayaa galabta si diiran loogu soo dhaweeyay magaalada Gabilay ee xarunta Gobolkaasi.

Madaxweyne Siilaanyo waxaan si aan kala hadh lahayn ugu soo dhaweeyay magaalada Gabilay Kumanaan qof oo ka mid ah bulshada ku dhaqan gobolkaasi waxaanu lugeeyay magaalada dhexdeeda masaafo ku dhow 1 Km iyo badh waxaanu socodkiisa ka soo bilaabay kaantaroolka galbeed ee magaaladda iyo illaa guriga Martida oo weftigiisii ku dageen.

Dadweynaha magaalada Gabilay waxay taagnaayeen jidka hareerihiisa waxaanay u gacan haadinayeen weftiga Madaxweynaha iyagoo taageerada ay u hayaan xukuumadda sanad jirka ah ku muujiyay sida aan kala hadhka lahayn ee ay u qaabileen madaxweyne Axmed Siilaanyo.

Madaxweynuhu waxa uu Magaalada Gabilay isla galabtaba la kulmay Waxgaradka gobolka Gabilay iyo maamulka gobolka iyo ka degmadda.

Madaxweynahaha Somaliland waxa lagu wadaa inuu maalinta bari xadhiga ka jaray mashaariic kala duwan oo laga hirgeliyay magaalada Gabilay.

Weriye Cumar Maxamed Faarax
Somaliland.Org/Hargeysa
cumarmfaarax@hotmail.com