Somaliland.Org

Waxaan halkan talo uga soo jeedinayaa Xisbiga KULMKIYE ee ku shirsan magaalada Burco ee caasimada Togdheer.

Sidaanu aaminsanay aniga iyo dad badan oo reer Somaliland ahi, waxaa horyaala maanta xisbiga kulmiye gaar ahaan 200 da boqol ee golaha dhexe ee dooranaya murashaxiinta doorkan ee Madaxweyneha iyo kuxigeenkiisa wado laba dhabbe ka baydhaan.

waxaad moodaa in aan lagu kala baydh sanayn in gudoomiye Axmed siilaanyo loo doorto murashaxa madaxweynaha balse waxaa wali is garab ordaya murashaxiinta ku xigeenka.

Raga ilaa iyo hada ordaaya waxaa ka mida gudoomiyihii hore ee gudiga doorashooyinka somaliland  Axmed xaaji cali Cadami.

Haddaba, anigoo u dhaadhacaya dulucda maqaalkaygan, waxaa xussid mudan in aanay arintu noqon iska dooro ama kala dooro balse ay noqoto wax ku dooro.

waxaan taas uga jeedaa in raga ku xigeenada u sharaxan lagu doorto waxay dalka iyo  dadka u soo  qabteen islamarkaana xiliga maxaa laga filayaa inay qaban karaan. (taa macnaheedu maaha in raga kale waxba dalka u tarin)

balse waxa jira falsafada loo yaqaano (Rajullul Marxala) oo ah Ninkeebaa  inaga saaraya marxaladan maanta.

Sidoo kale maxuu ka caawin karaa Madaxweynaha, ninka kuxigeen loo doortaa, hadiiba uu Gudoomiye Axmed Siilaanyo calafsado kursiga Madaxweyne nimada Somalind.

Taladaydu waxay tahay waar reer KULMIYOOW kuxigeen u doorta Mudane Axmed Xaaji Cali Cadami.

odaygaa ku noqon maayo taariikh nololeedkiisa oo dhawaanba insha allah waynu wada akhrisan shirku intuu socdo.

Hadaanu nahay inta badan ee shacbiga Somaliland, asbaabta hoos ku xusan awgeed waxaanu idin leenay waar talo yaanay idin seegin maanta e Cadami ku xigeenka musharaxa madaxwaynaha u doorta:

1- Axmed X. Cali cadami waa hogaamiyihii qaranka Somaliland ee Halganka geedi-socodka dimuqraadiyaynta halka uu Axmed M. M. Siilaanyo ka yahay hogaamiyhii halgankii hubaysnaa ee dib u xoraynta Somaliland.

(sidaasna waxaydun kulmiyoow ku hanan kartaan hormuudka 2da Halgan)

2- Inkastoo loo guuray hanaanka axsaabta iyo dimuqraadiyada hadana isu dheeli tirka beelaha Somaliland waa arin aynu kusoo caano maalnay.
sidaa awgeed reer Awdal madaxweyne iyo M/xigeenba waysoo mareen ee doorkan nasiya. Badalkooda haloo haneeyo M/xigeenka beesha Bariga Sanaag.
3- dhaqanka looga bartay oday Cadami ee hadal cadaanta, daacadnimada,waayo aragnimada iyo daryeelka danta guud, wuxuu ina tusayaa inuu mudane Axmed M M Siilaanyo qudhiisa u noqon doono la taliye ka ugu khayr badan.

4. Axmed x. Cali Cadami waa nin dad iyo dal yaqaan ah wax wayna ka tari kara siyaasada Somaliland ee ku waajahan geeska Afrika.

waa talo waa talo waa talo

Allahna haydin waafajiyo

Axmed Xirsi Madar