Somaliland.Org

SULDAAN DACAR: ‘HABAR TII DUSHEEDIYO DEGEL KAY KU NOOLAYD
DARUURUU KU HOOREEN DADBA WADA HEL MOODOO
DAAD WARARAC BAY TIDHI WAA SE DUMARE YEEL KEED’

Iga gudooma salaanta islaamka. Waxaan salaan gaar ah salaamayaa bahweyta saxaafada sida diiran warka u soo tebisa oo ay hor kacayso SOMALILANDORG. Waxaan illahaay SOMALILAND uga rajaynayaa Guul iyo Gobonimo.

Waxaa i soo jiitey waraysi uu waramay suldaanka reer Awdal suldaan DACAR oo shirka GARADAG ka dhigay mid aan loo baahnayn, isla markana taageero buuxda siiyey dawlada Dahir Riyale. Waxaynu sugnaa waa go’aamadii shirka GARADAG. Sidii beeshan caadada u ahayd waxaan hubaa 100% inay ka soo bixi doonaan go’aamo lagu diirsado oo ina farxad geliya. Reerkani wuxuu markasta u taagan yahay difaaca dhulka iyo dalka hooyo. Maaha markii ugu horeysey ee ay shiraan ee waa shir soo jireen ah oo taxane ah…oo weligiiba soo jirey lana jaan qaada hadba xiliga iyo wakhtiga la joogo. Waa shir lagu difaacayo qaranimada, gobanimada, iyo jiritaanka Somaliland…Waa shir lagaga arin sanaayo sidii loo horumarin lahaa guud ahaan degaanada Somaliland iyo gaar ahaan degaanada ay degaan. Waxaan hubaa go’aamada ka soo baxaa inay u noqon doonto horumar dhamaan dadka iyo dalka Somaliland.

Hadaba waxaan weydiin lahaa suldaanka su’al yar oo fudud: Hadii aanay dawladii ay soo doorteen aanay u dhisayn wado fiican oo xitaa wadada Dahir Riyaale gurigiisa hormarta aad aragtay sida ay u baaba day? Hadii ay ka tashanayaan adkaynta nabada, dhisida CISBITAALO iyo ISKUULO, ama wax dan guud ahba…Hadii aad aragtay in aan dawlada jirtaa aqoon DAN GUUD ee ay taqaano uun QAADO OO CUN……Maxay sameeyaan hadii aanay tashanin oo aanay ka tashan dantooda guud? Suldaan, HADII AAD ADIGU DAWLADII KA HESHAY WAX KASTA, ADEER UMADA INTEEDII KALE WAX AY HAYSATAA MA JIRTO. MIYAANAY KUU MUUQAN BAAHIDA BAAHDAY EE MEELKASTA TAAL…IYO DAYACA KA MUUQDA DANTII GUUD?

‘HABAR TII DUSHEEDIYO DEGEL KAY KU NOOLAYD
DARUURUU KU HOOREEN DADBA WADA HEL MOODOO
DAAD WARARAC BAY TIDHI WAA SE DUMARE YEEL KEED’

Waad mahad san tihiin,
Jaamac Y Abdillahi (USA)