Qaar Kamida Taageerayaashii UDUB Oo Walaac Ka Muujinaya Qabsoomida Shirweynihii Labaad Ee UDUB.
Waxaa isa soo taraya walaaca ay xubno kamida taageerayaasha UDUB ka qabaan in uu dhaco Shirweynihii labaad ee UDUB.
Shirweynihii koowaad ee ururka UDUB oo ka dhacay xarunta guddiga shaqaalaha dawladda ee magaalada Hargeysa 30 June - 7 July, 2001, wuxuu ahaa shirweyne leh muuqaalkiisa iyo saamayntiisa siyaasadeed ee guud ahaan. Waxaana dad badina ku xusuustaan shirkaa sidii Xog hayihii xisbiga UDUB ee wakhtigaa Dr Abdi Aw-Dahir looga eryay Xisbiga iyo xilkii uu markaa hayay, ka dib markii uu damcay in uu isla soo sharaxo Dahir Riyaale Kaahin.
“Marka la eego sida dimuqraadiyada iyo habsamida leh ee uu dhacay Shirweynihii labaad Kulmiye, waxa ugu yare e nalaga filayaa hadii aanu nahayd Xisbul Xaakimka UDUB, waa hirgalinta Shirweynihii labaad ee UDUB oo aanu u hirgalino si ka sareysa mistawihii ay Xisbiga Kulmiye ku qabsadee. Hadiise aan eego sida ilaa iminka wax u socdaan, waxa ay u egtahay in ilaa iminaka hadii aany nahay Xisbiga UDUB aanan dhabaheeda hayn sidii aanu ku fulin lahayn arintaa”. Sidaa waxaa yidhi mar aan wax ka waydiiday sababta ilaa iminka UDUB aanay shirkeedii u qabsan, Cabdi Faarax oo isagu ah xubin kamida golaha dhexe ee UDUB.
Abdullahi Iiman Darewal oo isagu hore uga qabtay xilal Wasiirnimo oo kala duwan Xukumadii hore ee Cigaal iyo tan iminka ee Riyaale, ayaa lagu wadaa in uu jagada Madaxweynanimo isula soo sharaxo Madaxweyne Riyaale, marka la isugu yimaada shiwrweynaha labaad ee UDUB. Waxaana dad badani ku macneeyeen sababta ilaa iminka loo qaban la yahay shirka in ay ugu weyn tahay cabsida Madaxweyne Riyaale ka qabo in Abdilahi Darewal kula baratamo musharaxnimada Madaxweynanimo ee xisbiga UDUB.
Ilaa iminka ma jirto wakhti go’ana oo loo cayimay qabsoomida shirka, taas oo xeerka xisbigu dhigayo in shantii sanaba mar la qabto shirweynahaa. Waxaana ay ku ekayd wakhtigaasi July 1 2006, oo iminka kasoo wareegtay labo sano iyo bil.
Mid kamida siyaasiyiinta ugu dhow dhow madaxweyne Riyaale, oo aan arintan kala hadlay ayaa ii sheegay in Madaxweynaha aanay qorshaha ugu jirin hirgalinta shir balaadhan oo UDUB taageerayaashisu isugu yimaadaan. Balse rajaynayo in madaxweynahu isugu yeedho hogaanka sare iyo madaxda gobalada ee UDUB, kuwaas oo iyagu soo dooran doona musharaxiinta madaxweyne iyo ku xigeen ee Xibiga UDUB matali doona sanadaka 2009.
Sidaas darteed ma la odhan karaa marka aad eegto sida habsamida leh ee ilaa iminka Xibig Kulmiye u wato Shirarkiisa, iyo sida UDUB u kala daad san yahay, in arinkani fasiraad ay ku qiimeeyaan ugu filan tahay mujtamaca Somaliland, ee iyagu kala dooran doona musharixiinta ka soo dhex bixi doona labadan Xisbi.
Somaliland.Org
Hargeisa, Somaliland
TACSI »
Baroor Diiq Iyo Dhambaalo Tacsiiyadeed: Marxuum Yuusuf Tuke Oo Shil Baabuur Ku Geeriyooday