Somaliland.Org

Ilaahaybaa mahad oo dhan iska leh ina siiyay caqliga iyo garashada aynu dheernahay makhluuqa intiisa badan. Waxaan jeclaystay inaan halkan kaga hadlo dhibaatada ugu weyn ee kajirta maanta wadankeena Somaliland , iyo sida aanay cidi ugu diyaar garoobin.

Sida aynu dhamaanteen lawada socono, aduunyada oo dhan waxa kajira sixir barar xaga cuntada ah. Iyo cunta yaraan soo foodsaartay. Waxkasta oo uu sababa cunta yaraanta, wadankastaaba wuxuu isticmaalay xeeladishiisa iyo dedaalkiisa sidii uu u badbaadin lahaa dadkiisa. Iyo umadiisa. Dhibaatada ugu weyni waxay ku dhacday wadamada faqiirka ah ee aan lahayn dhaqaalaha buuran oo uu kamid yahay wadankeenuna.

Cuntada ugu badan ee aynu isticmaalnaa waa laba shey Bariis, iyo Daqiiq. Waxanay marayaan maanta sadex jibaar mid waliba intii markii hore lasiin jiray. Majirto cid kamudaharadaay, majirto cid dadaal ugashay sidii xal loo helilahaa, majirto, cid kuhawlan sidii looga hortegi lahaa. Waxaad moodaa dadkeena iyo xukuumadeenuba inay Hurdo kujiraan Waxa keliya oo aynu sugaynaa waa iyada oo lagu arko wadooyinka dad farabadan oo u dhinta nafaqo daro ama gaajo.

1)

Hadaba waa maxay siyaasada ay dowladu u dhigtay sidii loo xalin lahaa cunta yaraanta soo foodsaartay wadanka? 2) Inteebay leegtahay dhibaatada ka dhalankartaa cunta yaraanta? 3) Maxaa lagu xalin karaa?Su’aalahani waa su’aalaha ubaahan in ay kadoodaan oo ay is wediiyaan dadka maanta umadu xilalaka u dhiibtay iyo muwaadinkastaba sida.Madaxweynaha, Wasiirada, Baarlamaan, Guurtida, Siyaasiyiinta, Aqooyahanada.Ganacsatada. iyo cidkasta oo kale oo wax sookordhin karta.

Hadii aan isku dayo inaan kajawaabo su’alaahan sadexda ah kana bixiyo fekradayda

1).

Majirto maanta siyaasad cad oo lataabto oo ay xukuumadu ugu talagashay inay xal ugu hesho mushkiladan cunta yaraanta. Waana arin aad iyo aad loola yaabo lagana xishoodo. Waxaana sabab u noqon karta sadex arimood. Kow, Aqoondaro, Labo karti daro, sadex axmaqnimo. Sadexdaa arimood ta u sababta ah, iyo inay sadexdaba la isku raaciyo. waxaan u dhaafayaa akhristayaasha inay kajawaabaan.2).

Dhibaatada kadhalankarta cunta yaraanta iyo sixir bararka hadii uu sidaas kusiisocdo waxay noqon kartaa musiibo qaran. Waxaana darxumo u gaajo u dhiman doona boqolaalkun oo qof oo danyar ah, waxaana lookala horeynaya sida loosii kala liito. Xaga dhaqaalaha iyo xaga caafimaadka. Iyo awooda. Waxaanay noqondoonta arin taariikhda gasha cidii noolaata. Lagana sheekayn doono waayo danbe.3).